Shirika la Habari la Hawza - matini kamili ya taarifa hiyo ni kama ifuatavyo:
Kwa jina la Mwenyezi Mungu, Mwingi wa rehema, Mwenye kurehemu
{ ٱلَّذِینَ تَتَوَفَّىٰهُمُ ٱلۡمَلَـٰۤىِٕكَةُ طَیِّبِینَ یَقُولُونَ سَلَـٰمٌ عَلَیۡكُمُ ٱدۡخُلُوا۟ ٱلۡجَنَّةَ بِمَا كُنتُمۡ تَعۡمَلُونَ }
Wale ambao Malaika huwafisha katika hali njema, wanawaambia: Amani iwe juu yenu! Ingieni Peponi kwa sababu ya yale mliyo kuwa mkiyatenda.
[Surah An-Naḥl: 32]
Roho tukufu ya faqihi wa Ahlul-Bayt wa Isma na Twahara (amani iwe juu yao), na Marjii Mkuu katika ulimwengu wa Kishia, Ayatullah al-Udhma Shubayri Zanjani (ra), imerejea kwa Mwenyezi Mungu.
Maisha yenye baraka na maisha yenye heshima ya Marjii huyo Mkuu yalijaa fikra za kina, juhudi za kielimu zisizokoma, na jitihada za dhati katika kuhifadhi na kuinua hadhi ya fiqhi halisi, kueneza maarifa ya Uislamu, kulinda misingi na utambulisho wa Ushia, pamoja na kuwahurumia na kuwajali watu.
Pamoja na kutoa rambirambi za msiba huu wenye kuumiza moyo kwa hadhara tukufu ya Imam wa Zama, Mtukufu Baqiyyatullah al-A’dham, Ajjalallahu Ta‘ala Farajahu Sharif, na kwa Hawzah Tukufu za Kielimu, wananchi wenye heshima wa Iran, pamoja na wapenzi na wafuasi wa Marjii katika maeneo yote ya dunia, tunawafahamisha kwamba ratiba ya shughuli za kuuaga na mazishi ya mwili wake mtukufu itatangazwa baadaye.
Ofisi ya Ayatullah al-Udhma Shubayri Zanjani (ra).
Chanzo: zanjani_net
Maoni yako